D野食仲特意包含豐富蛋白質及黃金元素,因為叫得法(髮)式下午茶,D野食都要為秀髮帶來養份。
巴馬火腿溫泉蛋伴魚子醬 – 溫泉蛋同巴馬火腿,加上魚子醬,的確又幾夾啊,令人唇齒留香。
番紅花帶子伴蛋白柚子蜜 - 番紅花好似可以抗氧化,但帶子味比較淡,未能食到佢本身嘅甜度。仲有柚子汁及炒蛋白,好看倒是好看,味道卻有點不足。
黑松露醬伴意大利藜麥蛋餅 – 其實係用左洋蔥、紅椒、芝士、忌廉,雞蛋及松露等造成的意大利蛋餅,加上藜麥,令食落有豐富口感,估唔到會幾好食。
龍蝦芒果墨西哥卷 – 用杏脯、芒果條及龍蝦混製而成,因為有芒果,所以酸酸甜甜,比較清新,但龍蝦冇咩存在感。
雞卷歐洲防風根茸及露筍 – 雞肉雖然唔嫩,但都叫JUICY。
炸芝士配榛子仁蒜味醬 – 炸芝士口感嫩滑,炸後外脆內軟,有蒜味都唔重,值得一試。
芝士慕絲伴櫻花白酒啫哩 – 芝士慕絲香滑又幾重味。櫻花白酒啫哩,好鬼靚。
白森林蛋糕 – 黑森林蛋糕就見得多啦,今次係白朱古力白森林蛋糕。
蛋白檸檬撻 – 傳統法式甜品。
熱情果忌廉松糕 - 熱情果味道清香又酸甜交雜,夏天食岩曬。
英式提子鬆餅配果醬及忌廉 – PEACH JAM都唔錯。
雲呢拿玫瑰杯子蛋糕 – 玫瑰忌廉粉紅色好靚,有著淡淡玫瑰香。
為慶祝是次合作,客人可參與有獎活動搶先體驗KÉRASTASE的美髮魔力:
第一重: 惠顧極緻「法」式下午茶(二人用)均可獲得KÉRASTASE送出最新的Discipline Curl Idéal躍動曲髪防躁系列試用套裝 (總值港幣250元)。
第二重: 追蹤(Follow) @hotelsavhk及 @kerastasehk的Instagram,上載極緻「法」式下午茶相片並hashtag #hotelsavhk #discipline #kerastasehk便有機會獲得Discipline Curl Idéal躍動曲髪防躁系列套裝 (價值港幣700元),名額10個,咪錯過!