海鮮海鮮，係呢到當然食海鮮

呢度就梗係食海鮮啦，人哋都叫做水產店啦。

 先來一個新鮮烤魷魚， 一直望住魷魚不斷收縮，香氣湧至。再加上醬汁好好味。

烤大蝦同樣好棒呢~

一路看著它在燒，一路就流口水了。而且都好爽口，中間界上一下，就不怕一D熟一D生啦~

另外 必試嘅一定係金牌的南瓜海膽鵪鶉蛋蟹蓋，烤到半乾再全部拌勻，很是合襯。

刺身!係我至愛呢~不過呢個有點不夠滿意喔。我的胃口都很刁呢，海膽雖不是腥臭，但是也沒有新鮮的味道。其他魚生倒是可以。不過吞拿魚吃起來的質感...卻是像沒有好好解凍

另外壽司上嘅刺身都好大塊，都叫做唔錯嘅，但未見有特色

比利時唔止朱古力

 呢度位於銅鑼灣嘅希雲街，平時就只係知道希雲街係甜品集結地。估唔到呢度都有一個隱蔽咗嘅比利時餐廳， 好喜歡呢度嘅氣氛，寬敞嘅環境以及高高的樓底， 絕對唔似其他香港咁迫夾嘅地方咁大壓力嘅環境。

而且呢間餐廳仲有七十多種唔同款嘅啤酒，包保搵到你岩心水。

諗唔到嘅話，仲可以叫侍應為你推介一下。佢地會跟據你嘅口味，介紹一款岩你嘅啤酒。

仲有生牛肉他他，伴上蛋黄倍添香滑。送上脆脆的麵包很是配合得天衣無縫。

仲有必食的是這裏的青口吧。很香甜多汁，而且還嚐到微微的海水味。鹹鹹的帶出鮮甜。

仲有仲有！超級足料嘅海鮮意粉。大蝦爽口彈牙，又有招牌青口冇得輸。

咁食完飯就點少得甜品。比利時就梗係試下朱古力心太軟。果然朱古力味十分香濃。流心效果也很好!